Mã lậgû nî Website ꞌá Ãvõkáyã tị̂ sĩ!
Ãmâ rĩꞌá tã bê ãmbá ꞌẽꞌá ârílâ, zị̃lâ, gõꞌdá ꞌẽꞌá jõlâ!
Nõngá rî nĩ âꞌdô tã îgĩ búkũ tã-drị̃ lẽlẽ óꞌdí Ôvârí kâ ûsúꞌá, kpãkã ãlô búkũ ãzá ꞌbá yí tã-drị̃ lẽlẽ ạ̃kû rî ꞌá rî bê. Nĩ âꞌdô zị̃ ꞌálâ cú ĩtí ngãtá nĩ âꞌdô jõꞌá lâ vídĩyõ ꞌásĩ gõzó zị̃lâ ạ̃dũ.
Ãmâ kpá tã îgĩlí ârílí rî bê ãnî drí ârílí. Nĩ âꞌdô drị̃bạ́lạ́yị̂ ró tã âtî-âtî tãndí yî gõꞌdá búkũ tã ꞌẽꞌẽ kâ bê, ârílí gólĩyî lãfálé lâ cãlé trá kãpĩtã vóró rî!
Ãmâ kpá líndrí Yésũ kâ rî bê Ãvõkáyã tị̂ sĩ ãnî drí ndrẽlé ngãtá jõlé vídĩyõ ꞌá! Líndrí nõ âꞌdâ tã kĩ, Yésũ gólâ ãꞌdî ĩꞌdî gõꞌdá tã gólâ drí ꞌẽlé trá gólâ drí âꞌdórẽ nõngá ị̃nyạ́kú drị̃ị̂ rî ꞌá rî trá.
Mã nị̃ trá kĩ, nĩ âꞌdô ꞌbãꞌá ãyĩkõ ró ngá nõ yî sĩ, gõꞌdá nĩ lômí bê kárá tãlâ ãmâ zãâ ãzã ꞌbá yî lôꞌbãꞌá.
Nĩ zị̂ tã îgĩlí Ãvõkáyã tị̂ sĩ nõô
Nĩ ị̂pị̃ ínyá vũdrị́ lésĩ rî ãꞌdô ró îtõzólâ.
